માથામાં રહેલો ખોડો દૂર કરવાના ઘરગથ્થુ ઉપચારો

• લીંબુના રસમાં ધાણાનો પાવડર મિક્સ કરીને વાળમાં લગાવવાથી ખોડો દૂર થાય છે.
• ગરમ પાણીમાં થોડો એવો લીંબુનો રસ એડ કરીને અરીઠાં થી માથું ધોવાથી ખોડો દૂર થાય છે.
• ગામડામાં ઉગતા કેરડાના વૃક્ષના થડ કે મૂળને બાળીને ભસ્મ થયેલી રાખને લીંબૂના રસ સાથે મિક્ષ કરીને માથામાં લગાવવાથી ખોડો મટી જાય છે.કેરડાના પંચાંગમાં એટલી તાકાત છે કે આવા બેક્ટેરિયા કે ફૂગને શાંત કરે છે.દર ચાર દિવસે આ પ્રયોગ કરવો.
• લીમડાના ઉકાળેલા પાણી સાથે અરીઠાંથી માથું ધોવાથી ખોડો મટી જાય છે.

લેપ

• નાળિયેરના છોતરાને બાળીને રાખ કરી આ રાખને લીંબુ કે દહીં સાથે મિક્સ કરીને આ લેપ માથામાં લગાવવાથી ખોડો મટે છે.
• માથાની ચામડી પર સરગવાના સિંગ નો રસ ચોપડવાથી ખોડો મટે છે.
• દૂધમાં ખસખસના બી વાટીને તેનો લેપ માથામાં લગાવવાથી ખોડો મટે છે.
• કેરીના ગોટલાને સૂકવીને ચૂર્ણ બનાવીને પાણી સાથે મિક્સ કરી લેપ બનાવીને માથામાં લગાવવાથી ખોડો દૂર થાય છે.
• ગામડાઓમાં ભરવાડ ને ત્યાં રહેતી બકરીની લીંડીનો લેપ કરીને માથામાં લગાવવાથી ખોડો દૂર થાય છે કારણ કે બકરી વિવિધ પ્રકારની ઔષધિય વનસ્પતિનો ચારો ચરતી હોય છે,તેથી તેની લીંડી એક ઔષધિ છે.
• આંબાની ગોટલીનો ચૂર્ણ અને હરડેનું ચૂર્ણ બંને મિક્સ કરીને લેપ બનાવીને માથામાં લગાવવાથી ખોડો મટે છે.

તેલ

• લીંબોળીનું તેલ માથાની ચામડી પર લગાવવાથી કે માલિશ કરવાથી પણ ખોડો મટે છે.
• કરંજના તેલના માલિશથી પણ ખોડો મટે છે.
• લીંબોળીનું તેલ અને કરંજ નું તેલ મિક્સ કરી તેમાં થોડું કપૂર નાખી તેનું માલિશ કરવાથી પણ ખોડો મટે છે.
• ગામડાઓમાં જોવા મળતી ભોરીગણીનો ઘાટો રસ,લીંબોળીના તેલમાં મિક્સ કરીને માલિશ કરવાથી પણ ખોડો મટે છે.
• બદામનું તેલ માથામાં નાખવાથી પણ ખોડો દૂર થાય છે,જે થોડું ખર્ચાળ છે પણ સારો પ્રયોગ છે.
• જાસૂદના લાલ ફૂલના રસને લીંબોળીનું તેલ,તલનું તેલ કે કરંજના તેલમાં રસને ઉકાળીને માથામાં લગાવવાથી ખોડો દૂર થાય છે.
• ઈંગોરિયાના વૃક્ષના ફળ નું બીજ (જે ખૂબ જ કડવું હોય છે) લસોટીને કે વાટીને માથામાં લગાવવાથી ખોડો દૂર થાય છે.

ઔષધી

• તીખો તળેલો ખોરાક બંધ કરીને આરોગ્યવર્ધક,ગંધક રસાયણ,મંજિષ્ઠાદિક ઘનવટી આ બધા આયુર્વેદિક દ્વવ્ય લેવાથી પણ ખોડો મટે છે.
• માતા ,બહેન ,બાળકો વગેરેને વાળ ની સમસ્યા ખૂબ હોય છે તેણે આ બધા પ્રયોગો ખૂબ સુલભ ,સરળ અને સહેલા છે.

Notes: All image credited by google.